اخر يوميات راستمان

على قولته الموضوع ما يستاهل تأجيل ) هذا كلام الوالد يا جماعه سمعو السالفه
الله يسلمكم يوم من الايام ابوي سار المسيد وسمع الشيخ يقول اذا اي واحد الله رزقه بعيال لازم يذبح ذبيحه على كل ياهل يجيبه والوالد وحليله يوم عرف انصدمت قال في نفس انا يوم يبت عيالي ما سويت ذبيح ولا شي وعيالي كبر الحينه لازم اخبرهم على شان يبري ذمته المهم رجع البيت نحن تغدينا بعد الغداء ابوي قال حقنا عندي موضوع وياكم شان ااقوله ابوي انته من متى عندك مواضيع نحن كل مواضيعنا ضحك وغشمره قالي لا الموضوع ما يستاهل التاجيل شان نحن نستغرب اول مره الوالد يرمسنا بطرقه جاده المهم اجتماعنا ويلسنا في الميلس وكل واحد يقول في نفس شو الموضوع المهم ابوالد بداء في الكلام وقال الوالد: يا عيال انا ابغي اخبركم شي وابغي ابري ذمتي لاني حاس بتأنيب الضمير انا ما اقدر اخش عنكم اكثر من جذي ولا تزعلون مني وانا لازم اخبركم .
نحن استغربنا قلنا شو السالفه اكيد الوالد امسوي شي عمله سوده ولا مشكله ويا الحكومه ولا شي من ها القبيل اخوي العود حاط في باله انه ابوي باع البيت واختي العوده حاطه في باله انه فنشوه من الشغل واخوي الصغير حاط في باله انه ابوي يبغي عليه ديون وانا شو حطيت في بالي انه هو سمع كلامي واتزوجه على امي لاني من الاسبوع كنت اقنع الوالد انه يتزوج على امي
اختي قالت :شو السالفه خبرنا
ونحن مافينا صبر كل واحد فينا حاط شي في باله وانا قاعد اقول شو الجو ليش جذي حار ماعده المكيف شغال وكل واحد يطالع في الوالد شنه نحن انطالبه فلوس المهم
الوالد: سمعو انا سمعت انه الشيخ قال في المسيد انه اي الله يرزقه بعيال لازم يذبح ذبيح وانا ما ما سويت ها الشي وضميري يانبني
اهني كلنا انصدمنا وانقهرنا قلته الحينه انته امسوي سالفه عود واجتماع والموضوع ما يستاهل التاجيل ومن ها الكلام وخربت رقادنا كل ها على شان كم ذبيح ما ذبحنهم شان اقوله انا حاط في بالي انك سمعت كلامي واتزوجت على الوالده شان الوالد تسمع واتصارخ علي اتقولي مالت عليك في حد يقول لي ابوه انه اتزوج على امي شو ها الوالد الي انا يبته صج ما تستحي سوتلي سالفه عوده وزعلت تمت كم يوم ما اترمسني واخير بعد عنا كلمتني وبعدني قاعد احاول اني اقنع ابوي انه يتزوج وهاي السالفه الي ما يستاهل التاجيل

عسبت انه ما سوى ذبايح سوالنا ازمه